Gestastofa - þjónusta við ferðamenn   Sýningar Á döfinni Gisti- og fundaraðstaða Kort   Aðgangseyrir: 700 krónur   Fyrir hópa:      600 kr   Frítt fyrir börn í fylgd með fullorðnum   Sími: 433 8008  og 892 1490.   Gestastofa Snorrastofu í Reykholti annast móttöku ferðamanna og veitir upplýsingar um sögu staðarins.   Snorrastofa býður upp á fyrirlestra um Snorra Sturluson, verk hans og sögu staðarins á ýmsum tungumálum.   Gestastofa annast tónleikahald í Reykholtskirkju.   Gestastofa annast útleigu húsnæðis á vegum Snorrastofu í Reykholti.   Í tengiálmu milli Snorrastofu og Reykholtskirkju er minjagripaverslun með handgerða listmuni, bækur og póstkort.                                                                                            Gestastofa í Reykholti Móttökustjóri: Dagný Emilsdóttir   Sími: 433 8008  og 892 1490    Netföng: gestastofa@snorrastofa.is   Opnunartímar: 1. maí til 30. september: Alla daga vikunnar kl. 10:00-18:00 1. október til 30 apríl: Opið virka daga kl. 10:00-17:00 Á öðrum tímum eftir samkomulagi.   Reykholt í Borgarfirði er eitt af fornum höfuðbólum Íslands og menningarsetur í fortíð og nútíð. Saga Íslands tengist Reykholti órofa böndum. Þekktasti rithöfundur Íslendinga um allan heim er óefað sagna-ritarinn og skáldið SNORRI STURLUSON (1179-1241). Hann var einnig höfðingi mikill og stjórnmálamaður og talinn einn auðugasti maður Íslands á Sturlungaöld, en það tímabil Íslandssögunnar er litað af miklum erjum og blóðugum bardögum og var Snorri drepinn í Reykholti 1241 að undirlagi fyrrverandi tengdasonar, Gissurar jarls.   Snorri skrifaði HEIMSKRINGLU, sögu Noregskonunga, EDDU ómetanlegar heimildir um norræna goðafræði og kveðskap, og líklega einnig EGILS SÖGU SKALLA-GRÍMSSONAR. Meðal elstu varðveittra mannvirkja á Íslandi er Snorralaug og stokkar sem veita vatni í hana úr hvernum Skriflu.   Húsnæði Snorrastofu er sambyggt Reykholtskirkju og var formlega tekið í notkun á Reykholtshátíð 29. júlí árið 2000. Höfuðviðfangsefni stofnunarinnar er að sinna rannsóknum og kynningu á miðaldafræðum, ásamt því að sinna sögu Borgarfjarðarhéraðs. Gott bókasafn og rannsóknaraðstaða er fyrir hendi í húsnæðinu, ásamt íbúð fyrir gestafræðimenn.    Reykholtshátíð er haldin árlega í júlí, í tengslum við Kirkjudag Reykholtskirkju. Á hátíðinni er haldin hátíðarmessa og fluttir fyrirlestrar. Á tónlistarhátíð er flutt fjölbreytt klassísk tónlist á fernum tónleikum. Stjórnandi tónlistarhátíðar er Steinunn Birna Ragnarsdóttir.